Smart Plastic Zone – Сіздің пластик ізін азайтуға қосқан үлесіңіз!

Smart Plastic Zone –
Пластик ізін азайтуға қосқан үлесіңіз!

Экологиялық бастамаға қосылып, бизнесіңіздің экологиялық жауапкершілік белгісін алыңыз!
Сауалнаманы толтыру
*Coca-Cola компаниясының қолдауымен
Әлемді таза ететін жоба

Әлемді таза ететін жоба

Smart Plastic Zone – пластик қалдықтарының қоршаған ортаға әсерін азайтуға ұмтылатын жауапты бизнесті қолдауға арналған жоба. Біз қонақ үйлерге, кеңселерге, мектептерге, кафелерге, сұлулық салондарына, сауда орталықтарына және басқа да ұйымдарға тұрақты даму қағидаттарын енгізуге қолдау көрсетеміз. Осылайша олар қоршаған ортаға жанашырлықтың үлгісіне айналады.
Smart Plastic Zone» белгісін алыңыз — бұл сіздің бизнесіңіздің экологиялық жауапкершілігін растайды.
Саналы тұтынуды таңдайтын клиенттер үшін тартымды болыңыз.
Бастамаға ешқандай шығынсыз қосылыңыз — қатысу толығымен ТЕГІН!

Пластикке жауапкершілікпен қарау экожүйесі — Smart Plastic Zone-ға қосылыңыз!

Smart Plastic Zone

100+ қатысушы

Қонақ үйлер, кеңселер, мектептер, кафелер, сұлулық салондары, сауда ойын-сауық орталықтары және басқа да ұйымдар.

11 қала мен өңір

Астана және Алматы қалалары, сондай-ақ Павлодар, Ақтөбе, Қарағанды, Жамбыл, Ақмола, Солтүстік Қазақстан, Атырау, Шығыс Қазақстан және Қостанай облыстары.

0 теңге

Қатысу толығымен тегін.

Smart Plastic Zone қатысушысы болыңыз

Экологиялық жауапкершілік белгісін алыңыз
Күміс белгі – пластикті пайдалануды азайту бағытында белсенді жұмыс жүргізетін және баламалы материалдарды қолданатын ұйымдарға арналған (200–475 балл).




Алтын белгі – пластикті пайдалануды барынша қысқартқан, пластиктің орнына баламалы материалдарды қолданатын, пластик қалдықтарын бөлек жинауды ұйымдастырып, оларды қайта өңдеуге өткізетін ұйымдарға арналған (500+ балл).

Платина белгісі – пластикті пайдалануды ең төменгі деңгейге дейін қысқартқан, бір рет қолданылатын пластиктен толық бас тартқан, қалдықтарды басқарудың тұйық циклдерін енгізген және ресурстарды тұрақты басқарудың үздік үлгісін көрсететін ұйымдарға беріледі. (800+ балл).
Smart Plastic Zone қатысушысы болу туралы шешім қабылдаңыз
Gpi.kz сайтындағы сауалнаманы толтырыңыз
Gpi.kz сайтында нысанның ауданын (ш.м.) көрсете отырып өтінім жіберіңіз
Верификациядан өтіңіз (сауалнамада көрсетілген мәліметтердің, оның ішінде құжаттардың сәйкестігін растау үшін нысанға көзбен шолу жүргізіледі)
«Smart Plastic Zone» белгісін алыңыз

Қатысу шарттары

Қатысу үшін сауалнаманы толтырып, верификациядан өту қажет.
Сауалнамада көрсетілген мәліметтердің, оның ішінде құжаттардың сәйкестігін растау мақсатында нысанға көзбен шолу жүргізіледі.
Сауалнаманы толтырмас бұрын оны толтыруға уәкілетті екеніңізге көз жеткізіңіз!

Бізбен бірге кімдер?

Жобаны экология және тұрақты даму саласындағы көшбасшылар қолдайды.

Сауалнамада қандай мәліметтерді көрсету маңызды?

Пластик қалдықтарын бөлек жинау

Пластиктің орнына баламалы материалдарды пайдалану

Қызметкерлер мен келушілердің хабардарлығы және оларды тарту
Жиналып, қайта өңдеуге тапсырылған пластиктің көлемі

Сұрақтарыңыз қалды ма?

Бастамаға қосылуыңызға көмектесу үшін біз әрдайым байланыстамыз!

Жиі қойылатын сұрақтар

Smart Plastic Zone дегеніміз не?
Smart Plastic Zone - пластик қалдықтарының қоршаған ортаға әсерін азайтуға ұмтылатын жауапты бизнесті қолдауға арналған жоба. Біз ұйымдарға экологиялық тұрақты тәжірибелерді енгізуге және олардың пластикалық ізін азайтуға көмектесеміз.
Жобаға кімдер қатыса алады?
Жоба пластиктің қоршаған ортаға әсерін азайтуға мүдделі барлық ұйымдар үшін ашық. Қатысушылар қатарында қонақ үйлер, мейрамханалар, сауда орталықтары, кеңселер, сұлулық салондары, мектептер, жоғары оқу орындары және пластикті пайдалану мәдениетін өзгертіп жатқан немесе оны өзгертуге дайын басқа да ұйымдар бола алады.
Smart Plastic Zone белгісі қандай артықшылықтар береді?
Smart Plastic Zone белгісі ұйымыңыздың пластикті жауапты пайдалану қағидаттарын ұстанатынын және тұрақты даму мен жауапты тұтыну бағытындағы тәжірибесін үздіксіз жетілдіріп отырғанын айқындайды. Белгі бизнестің беделін арттыруға, экологиялық жауапкершілікті жоғары бағалайтын клиенттердің сеніміне ие болуға және ұйымның тұрақты әрі экологиялық саналы шешімдерді жүзеге асыруға деген ұстанымын көрсетуге ықпал етеді.
Пластиктен толықтай бас тарту міндетті ме?
Жоба пластикті толық пайдаланудан бас тартуды көздемейді. Оның басты мақсаты – пластик өнімдерін тұтынуды ұтымды қысқарту, қалдықтардың түзілуін азайту, қайта өңдеу мәдениетін дамыту және мүмкіндігінше экологиялық баламаларды енгізу. Біз ұйымдарға пластикті неғұрлым жауапты әрі тұрақты пайдалану қағидаттарына кезең-кезеңімен көшуге қолдау көрсетеміз.
Сертификаттаудың қандай деңгейлері бар?
Алтын белгі – пластикті пайдалануды барынша азайтқан, пластиктің орнына баламалы материалдарды қолданатын, пластик қалдықтарын бөлек жинауды ұйымдастырып, оларды қайта өңдеуге жіберетін ұйымдарға беріледі.
Күміс белгі – пластикті тұтынуды белсенді түрде қысқартатын және пластикке балама материалдарды қолданатын ұйымдарға беріледі.
Платина белгісі – пластикті пайдалануды ең төменгі деңгейге дейін қысқартқан, бір рет қолданылатын пластиктен толық бас тартқан, қалдықтарды басқарудың тұйық циклдерін енгізген және ресурстарды тұрақты басқарудың үздік үлгісін көрсететін ұйымдарға беріледі.
Smart Plastic Zone белгісін қалай алуға болады?
Белгіні алу үдерісі 5 кезеңнен тұрады:
  1. Smart Plastic Zone жобасына қатысу туралы шешім қабылдау.
  2. gpi.kz сайтында сауалнаманы толтыру.
  3. gpi.kz сайтында нысанның жалпы ауданын (шаршы метрмен) көрсете отырып, өтінім жіберу.
  4. Верификациядан өту (сауалнамада көрсетілген мәліметтердің дұрыстығын растау мақсатында нысанды көзбен шолу және қажет болған жағдайда растайтын құжаттарды тексеру).
  5. Smart Plastic Zone белгісін алу.
Верификация процесі қалай жүргізіледі?
Верификация сауалнамада көрсетілген мәліметтердің дұрыстығын тексеруді және қажет болған жағдайда растайтын құжаттарды қоса алғанда, нысанды көзбен шолып тексеруді қамтиды. Тексеру нәтижесінде нысан балдық бағалаудан өтеді. Егер нысан белгіленген талаптарға сәйкес келсе, оған Smart Plastic Zone белгісі (алтын, күміс немесе платина) беріледі. Ал талаптарға сәйкес келмеген жағдайда, анықталған кемшіліктерді жою бойынша ұсынымдар беріледі. Ұсынымдар орындалғаннан кейін ұйым сауалнаманы қайтадан толтырып, 30 күннен ерте емес қайта верификациядан өте алады.
Неліктен сертификаттау үшін нысанның ауданын көрсету қажет?
Нысанның жалпы ауданы туралы ақпарат Smart Plastic Zone белгісін алған ұйымдардың аудандарын жинақтау арқылы Қазақстандағы Smart Plastic Zone-ның жиынтық аумағын есептеу мақсатында пайдаланылады.
Өтінімді қалай беруге болады?
Өтінім бермес бұрын, ұйымыңыздың атынан сауалнаманы толтыруға уәкілетті тұлға екеніңізге көз жеткізіңіз. Одан кейін gpi.kz сайтына кіріп, «Жобаға қатысу үшін сауалнаманы толтыру» батырмасын басыңыз. Сауалнамадағы барлық қажетті жолдарды толтырып, өтініміңізді жіберіңіз. Өтінім жіберілгеннен кейін сізге верификацияның ықтимал күні көрсетілген электрондық хат жіберіледі. Верификация күнін растау үшін сол хатқа жауап жолдауыңызды сұраймыз. Smart Plastic Zone белгісі жобаның барлық 5 кезеңінен (жоғарыда көрсетілген) сәтті өткеннен кейін ғана беріледі.
Егер нысан верификациядан өтпесе не болады?
Егер нысан белгіленген ең төменгі талаптарға сәйкес келмесе, ұйымға анықталған сәйкессіздіктерді жою және көрсеткіштерді жақсарту бойынша ұсынымдар беріледі. Ұйым тегін оқыту вебинарына қатысып, қажетті өзгерістерді енгізгеннен кейін кемінде бір ай өткен соң қайтадан өтінім бере алады. Сертификаттауға дайындалуға көмектесу мақсатында жоба аясында тегін оқыту вебинарына қолжетімділік ұсынылады. Smart Plastic Zone жобасына қатысу барлық кезеңдерде тегін жүзеге асырылады.
Егер менің нысаным жобаға қатысатын қалада орналаспаған болса, жобаға қатыса аламын ба?
Иә. Нысаныңыз жоба ресми іске асырылып жатқан қалада орналаспаған жағдайда да, жобаға қатысуға болады. Smart Plastic Zone жобасының қағидаттары мен бағалау тәсілдері әмбебап сипатқа ие және Қазақстанның кез келген өңіріндегі ұйымдарға қолдануға мүмкіндік береді. Біз еліміздің барлық өңірлеріндегі ұйымдардың қатысуын қолдаймыз және алдағы кезеңде жобаның географиясын кеңейтіп, оны Қазақстанның басқа қалаларында да іске асыруды жоспарлап отырмыз.
Жоба қатысушыларына қандай ресурстар мен қолдау көрсетіледі?
Жобаға қатысушыларға экологиялық тұрақты тәжірибелерді енгізуге арналған вебинарлар, әдістемелік ұсынымдар және басқа да білім беру материалдарына тегін қолжетімділік беріледі. Бұдан бөлек, әрбір ұйым үшін Smart Plastic Zone талаптарына сәйкестік деңгейін бағалау нәтижелері мен оны жақсарту бойынша нақты ұсынымдарды қамтитын жеке есеп дайындалады.